Quick Links
Praktikë në Europë
Formimi europian i profesionistëve të së ardhmes, prioritet i KPT
Kolegji Profesional i Tiranës nuk rresht së ofruari mundësi të arta për të rinjtë që aspirojnë një profesion premtues e mbi të gjitha një eksperiencë të re e të paharrueshme jetësore.
KPT është padyshim shembulli më i mirë sesi një institucion shqiptar i arsimit të lartë mund të shfrytëzojë në mënyrë efikase mundësitë që japin programet dhe projektet europiane në mbështetje të një diplome të vlefshme profesionale të arsimit të lartë.
Kolegji Profesional i Tiranës është pjesë e disa projekteve europiane si “Mobility for VET in Europe (MoVET)”, “Connected through Mobility” etj.
Falë tyre, studentët e Kolegjit Profesional të Tiranës kanë mundësi të trajnohen e ndjekin praktika 2 javore, 1 dhe 3 mujore pranë kompanive prestigjioze e nën supervizimin e pedagogëve të tyre, ku kostot mbulohen nga projekti. Një mundësi ku shkëmbehen eksperienca personale, jetësore, akademike e kulturore. Kjo aventurë e një jete është tashmë realiteti i shumë studentëve të KPT që kanë qenë në Itali, Hungari, Greqi, Poloni, Slloveni dhe Sllovaki.
Falë tyre, studentët e Kolegjit Profesional të Tiranës kanë mundësi të trajnohen e ndjekin praktika 2 javore, 1 dhe 3 mujore pranë kompanive prestigjioze e nën supervizimin e pedagogëve të tyre, ku kostot mbulohen nga projekti. Një mundësi ku shkëmbehen eksperienca personale, jetësore, akademike e kulturore. Kjo aventurë e një jete është tashmë realiteti i shumë studentëve të KPT që kanë qenë në Itali, Hungari, Greqi, Poloni, Slloveni dhe Sllovaki.
Programet e studimit, pjesë e këtij mobiliteti ishin Teknologjia e Automjeteve, Elektronikë dhe Teknologji Informacioni dhe Komunikimi.
Janë studentët e zgjedhur nga KPT për të ndjekur praktika 1 dhe 3 mujore në Poloni në profilet e Teknologji Informacioni e Komunikimi, Teknologji Automjetesh, Teknologji e Instalimeve Elektrike. Ndiq udhëtimin e tyre në Poloni!
Janë vetë studentët ata që do ndajnë në këtë video vlerat dhe eksperiencat e paharrueshme që kanë fituar në këtë rrugëtim.
Këta studentë përqafuan shumë dije të reja profesionale dhe gjithashtu dhanë një kontribut shumë të vlefshëm në kompanitë që patën fatin të punonin.
Në rastin e një vendi që synon të integrohet në Bashkimi Europian, studentët janë ura lidhëse e forcuese e të vetë identitetit europian të shoqërisë shqiptare së cilës i përkasin. Të bindur për rolin e tyre të pazëvendësueshëm në ndryshimin e vendit, Kolegji Profesional i Tiranës nxit dhe mbështet çdo student që kërkon të njohë një tjetër realitet nga ai me të cilin përballet në përditshmëri.
Studentëve në Kolegj i’u ofrohet mundësia për rritje individuale e profesionale, në një rrugë pa pengesa socio-ekonomike, me kosto të mbuluara e trajnime të ndryshme nga KPT e partnerët e saj. Sepse në KPT, një profesion i vërtetë është një e ardhme e sigurt!